KOMISIYO Y’IGIHUGU IKORANA NA UNESCO YAGIZE URUHARE MU GUHEMBA BAMWE MU BANYAMAKURU BAHIZE ABANDI MURI UYU MWAKA WA 2025

Ifoto y’abanyamakuru bahawe ibihembo

Iki gikorwa ngaruka mwaka cyo guhemba abanyamakuru babaye indashyikirwa mu byiciro bitandukanye by’umwuga wabo gikomatanyijwe n’Umunsi Nyafrika w’Itangazamakuru kikaba buri taliki 7 Ugushyingo. Ni igikorwa kandi gihuye n’intego ya UNESCO yo guteza imbere itangazamakuru ry’umwuga, akaba ari muri urwo rwego Komisiyo y’Igihugu Ikorana na UNESCO nayo igiramo uruhare rwayo.

Uyu mwaka hahembwe abanyamakuru 30, mu nkuru zitandukanya, haba mu itangazamakuru ryandika, iry’amajwi n’iry’amashusho. Ni ibihembo bigenerwa abahize abandi bigamije kubashimira no kubakangurira guharanira guteza imbere umwuga wabo.

MUKANKUSI Philomene ashyikiriza igihembob TWAHIRWA Eric watsinze
Mu banyamakuru bahembwe, uwaruhagarariye Komisiyo y’Igihugu Ikorana na UNESCO yashyikirije igihembo Twahirwa Eric wa Deepnews.org, wahatanywe anatsinda mu nkuru zibanda ku bisobanuro mu mibare (Data Journalism Awards). Nubwo atari yitabiriye uyu muhango, igihembo cye cyashyikirijwe perezida w’Ishyirahamwe Nyarwanda ry’Abanyamakuru (ARJ).
Mu bihembo byatanzwe, Radio Salus yegukanye umwanya wa mbere n’ibihembo 7, bakurikirwa na Radiyo y’Abaturage Ishingiro yegukanye ibikombe 5. Mu bafashe ibi bihembo harimo Phoibe Mukandayisenga wahawe igihembo cy’umugore wakoze inkuru nziza ndetse n’icy’umunyamakuru w’umwaka, abicyura ari bibiri. Ibindi byasaranganyijwe ibitangazamakuru bisigaye harimo n’iryo kuri murandasi.
Uyu mwaka kandi hatanzwe igihembo cy’uwakoze ibikorwa by’indashyikirwa, gishyikirizwa umuryango wa nyakwigengera Ingabire Marie Immaculee wayoboraga Transpirency International Rwanda ku ruhare yagize mu iterambere ry’itangazamakuru mu Rwanda.

Philomene MUKANKUSI